Korça, qyteti i serenatave, artit dhe kulturës, u shndërrua sërish në kryeqendrën e argëtimit me Festën e Birrës 2023 – një ndër ngjarjet më të mëdha dhe më të shumëpritura të verës shqiptare!

Nga 16 deri më 20 gusht 2023, Terminali i Autobusëve në Korçë u mbush me dritë, muzikë, birra të freskëta dhe mijëra buzëqeshje. Nën organizimin e Bashkisë Korçë dhe me mbështetjen e BM Group, kjo festë e mrekullueshme solli bashkë më shumë se 90,000 vizitorë nga e gjithë Shqipëria dhe rajoni.

Muzikë live nga artistët më të njohur shqiptarë, performanca të paharrueshme dhe një atmosferë që nuk pushonte për asnjë çast – Festa e Birrës 2023 ishte më shumë se një ngjarje, ishte një përjetim kulturor dhe festiv, që tregoi edhe një herë se Korça është qyteti i festave!

Me birra artizanale vendase dhe ndërkombëtare, ushqim tradicional dhe modern, zona dedikuar fëmijëve, ekspozita artistike dhe aktivitete për çdo grupmoshë – kjo ishte një festë për të gjithë!

Korça vazhdon të dëshmojë se është një qytet që di të mikpresë, të festojë dhe të ruajë traditën, ndërkohë që ecën me hapin e kohës.

Faleminderit të gjithë vizitorëve, artistëve dhe bashkëpunëtorëve që e bënë këtë event një sukses të jashtëzakonshëm. Na mbetet vetëm të numërojmë ditët për Festen e Birrës 2024!